Кремљ сѐ уште предлага назначување нов руски амбасадор во Киев

„Тоа е нашиот пристап кон билатералните односи. Истовремено, ако украинската страна донесе одлука за снижување на нивото на нашите дипломатски односи и го смета за соодветен таквиот снижен режим на дипломатска комуникација, тоа е избор на украинската страна. Ние сѐ уште сме приврзаници на тоа и предлагаме сепак да има амбасадор на Русија во Киев“, изјави Песков, пренесува „Взгљад“.

Тој истакна дека прашањата за именување на шефови на дипломатските мисии, како и прашањата кои се однесуваат на нивото на дипломатските односи „како прво – се решаваат врз основа на меѓусебен консензус, а како второ – се решаваат во тишина“.

u041au0438u0435u0432: u043fu0440u0430u0448u0430u045au0435u0442u043e u0437u0430 u043du043eu0432 u0440u0443u0441u043au0438 u0430u043cu0431u0430u0441u0430u0434u043eu0440 u0435 u0441u0438u043cu043du0430u0442u043e u043eu0434 u0430u0433u0435u043du0434u0430u0442u0430

Одговарајќи на прашањето дали Русија ќе предложи други кандидатури за должноста амбасадор поради одбивање да му се даде агреман на Михаил Бабич (предложениот кандидат за амбасадор на РФ во Украина), Песков изјави дека тоа е некоректно поставено прашање.

„Не, не би можел да прецизирам. Некоректно е и да се постави прашањето за одбивањето на агреманот на Бабич. Различни се дипломатските процедури на времените спогодби кои, уште еднаш ќе повторам, се исполнуваат во режим на тишина. Затоа руската страна предлагаше и сѐ уште ја предлага познатата опција“, рече Песков.

 Како што претходно изјави тој, Русија има право да предложи кандидат за амбасадор во Украина, како што и Киев има суверено право да не се согласи со таа кандидатура. Во таков случај е можен предлог за алтернативен кандидат.

Сите права ги задржува „Росијскаја Газета“.