Во Подмосковје пронајдени дневниците на Хајнрих Химлер

Во подмосковскиот гград Подолск се пронајдени дневниците на еден од најмоќните луѓе во нацистичка Германија и најголемите крвници на човештвото, во кои на преку илјада страници се опишани бизарни детали од неговиот живот.

Германскиот весник „Билд“ пишува дека во подмосковскиот град Подолск се пронајдени дневниците на Хајнрих Химлер, командантот на СС единиците и Гестапо, една од најмоќните личности во Третиот рајх и творец на Холокаустот, за кои се веруваше дека се загубени.

Во воениот архив се откриени над илјада страници од дневникот во кој Химлер го опишува своето секојдневие, пренесува телевизија Рен.

Во пронајдените дневници се регистрирани настани од 1938, 1943 и 1944 година.

Во белешките од 1943 година Химлер пишува како во утринските часови го надгледувал функционирањето на гасните комори во концентрациониот логор Собибор, а во вечерните вечерал во друштво на офицери.

Истражувачите потрошија неколку месеци на проучување на Химлеровите дневници за кои утврдија дека претставуваат документ од исклучително историско значење.

Според она што може да се заклучи од дневниците, мрачниот шеф на СС и Гестапо бил контрадикторен човек кој планирал и наредувал масовни егзекуции, додека спрема семејството, пријателите и познаниците бил неверојатно грижлив и внимателен, пишуваат медиумите.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња