Русија доби сигнал за контрамерки од САД за наводните хакерски напади

РФ доби сигнал од САД дека по завршувањето на истрагата за наводните хакерски напади можат да бидат преземени контрамерки, изјави заменик-министерот за надворешни работи на РФ Сергеј Рјабков.

„Слушнавме сигнал кој е упатен до Москва од самиот врв на американската политичка и административна пирамида дека по завршувањето на истрагата за околностите на наводните хакерски напади која се спроведува од страна на соодветните структури, можат да бидат преземени контрамерки. Ние исто така ги гледаме коментарите на другите официјални претставници на САД кои се наоѓаат на пониските скалила како дискутираат за природата на таквите евентуални мерки“, изјави Рабков.

Во врска со тоа, според неговите зборови, „се споменуваат и екстериторијални, незаконски од наша гледна точка санкции кон кои САД прибегнуваат по секој повод, и тоа веќе на ниво на инстинкт“.

„Тоа е жално. Затоа што земја која се позиционира себеси како суперсила, впрочем, не без основа, но притоа се смета себеси за врховен светски судија, треба барем, според мене, да спроведува покомплексна, сложена, промислена, интелигентна политика, каде такви рефлекси како кај кучето на Павлов не треба да има“, додаде Рјабков, пренесува РИА „Новости“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња