Песков: Путин никогаш не разговарал со Трамп

Рускиот лидер Владимир Путин никогаш не разговарал со кандидатот за претседател на САД од редовите на Републиканците Доналд Трамп, изјави портпаролот на шефот на руската држава Дмитриј Песков во коментар за телевизијата Ен-Би-Си.

„Многупати имаме зборувано за тоа. Претседателот Путин никогаш немал никакви контакти со Трамп, никогаш не зборувал со него, вклучително и по телефон“, рече Песков за Ен-Би-Си

„Тоа се однесувана сите негови (на Трамп) соработници – со нив немаме никаква работа“, додаде тој. На прашањето дали имало контакти со луѓето околу Трамп во минатото, Песков исто така одговори одречно.

Москва категорично ги отфрла сите обвинувања за мешање во внатрешнополитичката ситуација во САД.

Минатата недела на интернет се појави видео од прес-конференција во 2014 година на која Трамп изјави дека лично разговарал со Владимир Путин.

Претходно Трамп тврдеше дека никогаш не разговарал со рускиот лидер. „Никогаш немам разговарано со Путин. Ништо не знам за Путин освен дека ќе ме почитува“, изјави милијардерот, пишува „Взгљад“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња