Путин: РФ и Словенија нема да дозволат обиди за искривување на историјата

Според Путин, Русија и Словенија ќе ја продолжат просветителската работа за да не се заборават настаните кои се случиле во текот на светските војни и за да се зајакне безбедноста во Европа и светот, пренесува РТ на руски.

„Токму затоа заедно ќе ја продолжиме просветителската работа, пред сѐ меѓу младината, не само за да се сеќаваме на ужасите на војната, туку и заедно да работиме на зајакнувањето на меѓусебното разбирање, довербата, безбедноста во Европа и светот“, изјави шефот на руската држава на меморијалната церемонија по повод 100-годишнината на Руската капела на превојот Вршич.

u0412u0440u0448u0438u0447: u0440u0443u0441u043au0438 u043fu0430u0442 u043au043eu043d u0441u043bu043eu0432u0435u043du0435u0447u043au043eu0442u043e u0441u0440u0446u0435

Путин ја потенцираше важноста на споменикот на руските и советските војници што ќе се открие во Љубљана.

„Споменикот ќе ја одразува нашата заедничка принципиелна позиција да не дозволиме извртување и препишување на историјата, оправдување на злосторствата кои ја понесоа со себе смртта на милиони луѓе“, изјави шефот на руската држава.

Денеска во главниот град на Словенија ќе биде откриен споменик на руските и советските војници кои загинале на територијата на Словенија во Првата и Втората светска војна. Споменикот треба да го симболизира обединувањето на разни граѓани на Русија кои ги дале своите животи за Татковината, а неговото место во Словенија - помирувањето на европските народи кои се нашле во Првата светска војна на различни страни на фронтот, како и тесното преплетување на судбините на двете земји.

Сите права ги задржува „Росијскаја Газета“.