Медиум: Флертувањето на Турција со Русија го провоцира НАТО

Претседателот на Турција Реџеп Таип Ердоган на секој начин покажува дека сака да се зближи со Русија. Тоа може да го иритира НАТО, но Алијансата ќе мора да ја проголта оваа навреда, пишува германски „Шпигел“.

„Она што до вчера изгледаше незамисливо, денеска стана реалност“, ја коментира еден западен дипломат ситуацијата во Турција по обидот за воен пуч.

u0413u043e u0441u043fu0430u0441u0438 u043bu0438 u0420u0443u0441u0438u0458u0430 u0415u0440u0434u043eu0433u0430u043d?

Како што истакнува „Шпигел“, истото може да се каже за надворешната политика на Турција. По неколку месеци „ледено доба“ меѓу Анкара и Москва, Ердоган покажува дека сака пријателство со претседателот на Русија Владимир Путин. Оваа недела беше соопштено дека во август ќе се одржи средба на двајцата лидери во Санкт Петербург.

По масовните чистки кои следеа по обидот за пуч, како и по идејата за враќање на смртната казна, влегувањето на Турција во Европската унија изгледа понереално од кога било. Тоа што во овој момент Ердоган става акцент на пријателството со Путин треба да се гледа како обид земјата да се сврти од Запад кон Исток, пишува изданието.

Ова зближување му е важно на Ердоган, затоа што му се потреби добри вести поради влошувањето на економската ситуација во земјата. По извинувањето на Ердоган, руските власти веднаш го укинаа ембаргото на увоз на турски земјоделски производи, а сега се водат преговори за обнова на проектот „Турски тек“ и за изградба на нова нуклеарна централа во Турција. Освен тоа, турската влада се надева дека во земјата ќе се вратат руските туристи.

u0421u0440u0435u0434u0431u0430u0442u0430 u043du0430 u041fu0443u0442u0438u043d u0438 u0415u0440u0434u043eu0433u0430u043d: 3 u0433u043bu0430u0432u043du0438 u0442u0435u043cu0438 u0437u0430 u0440u0430u0437u0433u043eu0432u043eu0440

Турскиот лидер притоа свесно ја игнорира штета што следува во надворешната политика поради таквите потези, продолжува изданието. Ердоган многу добро знае дека НАТО со загриженост го следи преориентирањето на својот партнер кон Русија, земја која, според мислењето на Алијансата, претставува еден од најголемите проблеми во сферата на безбедноста.

Од гледна точка на Ердоган, ваквите провокации се потполно умесни, затоа што покажуваат дека, во случај да продолжи оддалечувањето на Турција од Запад, тој има алтернативни партнери. Но весникот е уверен дека Ердоган нема да излезе од НАТО.

Турција е за НАТО многу важен партнер поради нејзината геостратешка положба. Неизвесноста во Анкара прави многу нешта несигурни и затоа НАТО ќе мора да ја проголта навредата и нема премногу да ја критикува Турција, заклучува германскиот весник.

Сите права ги задржува „Росијскаја Газета“.