Медиум: ЕУ може да ги укине санкциите за еден економски сектор на РФ

Европската унија допушти можност догодина да бидат укинати антируските санкции за еден од економските сектори, пишува агенцијата „Ројтерс“ повикувајќи се на изјава на европски дипломат.

„Најверојатно нема да бидат укинати сите санкции истовремено, сепак е можна одлука за укинување за еден од економските сектори догодина“, изјави соговорникот на „Ројтерс“. 

u0428u0442u043e u043cu043eu0436u0435 u0434u0430 u0434u043eu043du0435u0441u0435 u0443u043au0438u043du0443u0432u0430u045au0435u0442u043e u043du0430 u0441u0430u043du043au0446u0438u0438u0442u0435 u0437u0430 u0420u0443u0441u0438u0458u0430?

Одлуката на претседателот на Европската комисија Жан-Клод Јункер за посета на Русија во текот на Петербуршкиот меѓународен економски форум (ПМЕФ), според мислењето на европските дипломати, била предизвикана од загриженоста поради губењето на единството во ЕУ во однос на антируските санкции.

„Како резултат гледаме дека сѐ повеќе земји се сомневаат, велат дека треба да ги анализираат санкциите и да го проценат нивното влијание“, додаде функционерот.

„Ројтерс“ прецизира дека во основа својот став го менуваат оние европски земји врз кои најсилно се одразија руските санкции. Владите на тие држави чувствуваат сѐ поголем притисок од страна на своите граѓани, пишува агенцијата. Особено станува збор за земјите од југот и истокот на Европа - Италија, Грција, Унгарија, Кипар, Словенија, Словачка и Бугарија.

Сите права ги задржува „Росијскаја Газета“.