Министерството за одбрана на РФ и Пентагон дискутираа за Сирија

26 јули 2016

Руска реч на македонски

Министерството за одбрана на Русија и Пентагон имаа видеоконференција за прашањето на безбедноста на летовите во операциите во Сирија, соопшти управата за прес-служба и информации на Министерството за одбрана на Русија.

„На 26 јули 2016 година се одржа видеоконференција на ополномоштените претставници на одбранбените ресори на Русија и САД по прашањата за реализација на Меморандумот за разбирање за спречувањето на инциденти и осигурување на безбедноста на летовите на авијацијата во текот на спроведувањето на операциите во воздушниот простор на Сирија од 20 октомври 2015 година. Беше истакнато дека за изминатите девет месеци од моментот на потпишување на Меморандумот, тој ја покажа својата висока ефективност“, се вели во соопштението што го пренесува „Взгљад“.

u041cu043eu0441u043au0432u0430 u0438 u0412u0430u0448u0438u043du0433u0442u043eu043d u043fu043eu0447u043du0443u0432u0430u0430u0442 u0437u0430u0435u0434u043du0438u0447u043au0430 u0430u043au0446u0438u0458u0430 u0432u043e u0421u0438u0440u0438u0458u0430

Прес-службата истакнува дека создадените канали за врска во согласност со наведениот документ овозможуваат да се минимизира ризикот од настанување инциденти меѓу авионите на ВКС Русија и коалицијата предводена од САД.

Страните исто така дискутираа за дополнителни мерки за осигурување на безбедноста на дејствијата во воздушниот простор на Сирија.

„Контактите на руските и американските експерти преку билатералните канали за врска ќе продолжат. Постигнат е договор за одржување на следната видеоконференција на крајот на август 2016“, додаде прес-службата.

Сите права ги задржува „Росијскаја Газета“.

конфликт во сирија русија и сад Накратко