МОК ѝ забрани на „свиркачот“ Степанова да учествува на ОИ во Рио

МОК одлучи да не ѝ дозволи учество на Олимпијдата во Рио на руската спринтерка Јулија Степанова која, како што пишува „Ел Паис“, ги докажа допинг-махинациите во Русија на државно ниво.

Шпанскиот весник „Ел Паис“ пишува дека оваа одлука била поддржана од Москва, додека шефот на американската антидопинг агенција Тревис Тајгарт смета дека тоа ќе ги исплаши сите потенцијални информатори во спортот.

Како што пишува во статијата, МОК го одбил барањето на Степанова, која „за храброста во откривањето на махинациите со допинг во Русија сакаше да настапи во Рио под олимписко знаме“. Комитет на МОК смета дека Степанова сепак не може да учествува на Олимпијадата затоа што претходно призна дека самата користела забранети препарати.

Претседателот на Руската атлетска федерација Дмитриј Шљахтин изјави дека ја поддржува одлуката Степанова да не учествува на Олимпијадата, додека шефот на американската антидопинг агенција (USADA) остана незадоволен:

„Да ја оставите без Олимпијада е неприфатливо и противречи на претходната одлука на Судот за спортска арбитража. Оваа одлука ќе има големо влијание врз сите кои помислуваат да зборуваат гласно за неправилностите во работата на антидопинг агенциите“, нагласи Тајгарт.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња