МО Русија негира нарушување на воздушниот простор на НАТО

Во неделата на телевизијата Nova TV министерот за одбрана на Бугарија Николај Ненчев изјави дека руски воени авиони со вклучени транспондери влегувале во таканаречената „бугарска зона на одговорност“ во воздушниот простор на НАТО четирипати минатиот месец. Според Ненчев, Бигарија побарала објаснување од Москва, нарекувајќи ги инцидентите „провокација спрема Бугарија и нејзиното воено воздухопловство“. Исто така, тој изјави, „ние преземаме превентивни мерки“.

„Со нескриено чудење дознавме од настапот на бугарскиот министер за одбрана Николај Ненчев на локалната телевизија „НоваТВ“ за наводен пораст на нарушувањата минатиот месец на некаква „бугарска зона на одговорност од воздушниот простор на НАТО“ од руски воени авиони со „вклучени транспондери“. Пред сѐ, би сакале објаснување, и не само нам, од господинот министер, колку далеку од воздушните граници на Бугарија се протегаат границите на нивната замислена зона на одговорност на воздушниот простор на НАТО?“, изјави Конашенков.

u041du0410u0422u041e u0441u0435 u043fu0440u0438u0431u043bu0438u0436u0443u0432u0430 u043au043eu043d u0440u0443u0441u043au0430u0442u0430 u0433u0440u0430u043du0438u0446u0430, u043du043e u0441u0430u043au0430 u0434u0438u0458u0430u043bu043eu0433 u0441u043e u041cu043eu0441u043au0432u0430

Тој истакна дека авионите на руските ВКС навистина планирано редовно извршуваат летови над акваторијата на Црното море“, при што маршрутите на нивните летови се во строга согласност со меѓународните правила за користење на воздушниот простор над неутрални води. Освен тоа, сите летови, вклучително и во јуни, се вршеле со вклучени транспондери, потенцираше портпаролот на рускиот одбранбен ресор.

„Го проверивме тврдењето на господинот Николај Ненчев за наводните барања „до Москва“ за објаснување за нарушувањата на правилата на летање од руски авиони. До денес нема ни едно обраќање на наша адреса од страна на Министерството за одбрана на Бугарија. Затоа пред да изјавува пред телевизиските камери за преземените од страна на бугарскиот одбранбен ресор „превентивни мерки“ за реагирање, би му препорачале на господинот министер за почеток да ги провери извештаите на своите потчинети за реалната состојба на нештата“, изјави Конашенков, пренесува РИА „Новости“.

Сите права ги задржува „Росијскаја Газета“.