Медиуми: Целата репрезентација на Русија ќе биде исклучена од ОИ во Рио

Новинарите на британскиот весник „Меил он Сандеј“ (неделниот додаток на „Дејли Меил“ дознаа за одлуката на Меѓународниот олимписки комитет (МОК) за исклучување на целата руска репрезентација од Олимпијадата 2016 која почнувана 5 август во Бразил.

u201eu0422u0435u043bu0435u0444u043eu043du0441u043au0438u0442u0435 u0445u0443u043bu0438u0433u0430u043du0438u201c u0458u0430 u043eu0442u043au0440u0438u0458u0430 u0430u043du0442u0438u0440u0443u0441u043au0430u0442u0430 u043eu0440u0438u0435u043du0442u0430u0446u0438u0458u0430 u043du0430 WADA

Денеска во швајцарскиот град Лозана ќе се одржи состанок на извршниот комитет на МОК на кој официјално ќе биде соопштена одлуката за судбината на руската репрезентација. Според резултатите од претходно извршената истрага, Светската антидопинг агенција препорача МОК да ја исклучи репрезентацијата на Русија од Игрите во Рио.

Весникот, повикувајќи се на сопствен извор во МОК, пишува дека сите 387 руски спортисти ќе бидат отстранети од Игрите за да ѝ се „покаже на Москва дека допингот претставува напад врз целиот спорт“. „Тоа фактички значи исфрлање од Рио. Но Томас Бах (претседателот на МОК) исто така сака да биде разгледано прашањето за правата на индивидуалните спортисти“, прецизира изданието.

Според неименуваниот извор, клучните лица во МОК исто така се залагаат за исклучување на Русија од зимската Олимпијада 2018 година во Јужна Кореја.

Сите права ги задржува „Росијскаја Газета“.