„Блумберг“ ја наведе идеалната цена на нафтата за реформи во Русија

Ако еден барел сурова нафта „Брент“ падне до 40 долари или помалку, тоа ќе биде поттик за реформи во Русија и нема да го дестабилизира финансискиот систем на земјата. Ова е заклучокот на економистите анкетирани од агенцијата „Блумберг“.

u0428u0442u043e u045cu0435 u0441u0442u0430u043du0435 u0441u043e u043du0430u0444u0442u0430u0442u0430 u043fu043e u043du0435u0443u0441u043fu0435u0445u043eu0442 u043eu0434 u0414u043eu0445u0430?

Агенцијата потсетува дека при ниските цени на нафтата во Русија беше воведен данок со рамна стапка, беше создаден фонд за стабилизација. Повеќе од 10 години на континуиран раст на цените на нафтата ѝ донесоа на Русија 2,1 трилиони долари, констатира „Блумберг“. Притоа во последните осум години руската економија растеше не повеќе од пет отсто на годишно ниво, а падот се случи во последните две години.

Евтината нафта ги принудува руските власти да спроведуваат реформи, вели главниот економист на „Банката на Америка Мерил Линч“ (Bank of America Merrill Lynch) за Русија и ЗНД Владимир Осаковски. „Секој пат кога цените на нафтата беа ниски, кај владата се појавуваше тенденција за реформи“, смета тој. Поради падот на цените на нафтата на најниско ниво од 2004 година историската перспектива укажува на транзиција кон полиберална политика, вели економистот.

Досега кризата создаде малку поттик за такво сценарио, пишува „Блумберг“. Руската влада дејствуваше претпазливо, незначително коригирајќи ја економската политика и отфрлајќи ги повиците за спроведување пошироко реструктуризација на системот.

Сите права ги задржува „Росијскаја Газета“.