ОКР:повикот за исфрлање на РФ од ОИ 2016 противречи на олимписката повелба

17 јули 2016

Руска реч на македонски

„Ако Олимпијадата ја пропушти еден од нејзините клучни учесници, тоа во секој случај ќе остане во историјата на олимпиското движење како негативен фактор на развој“, изјави првиот човек на Комисијата на спортисти на Олимпискиот комитет на Русија Олга Брусникина.

Активностите на антидопинг агенциите од десет земји и 20 групи спортисти кои, наводно, имаат намера да постигнат исклучување од Олимписките игри во 2016 на целиот руски национален тим, се спротивни на основните принципи на Олимписките повелба. Вакво мислење за ТАСС искажа шефот на комисијата за спортисти на Олимписки комитет на Русија (ОКР), Олга Брусникина.

„Во тој случај, ако информациите во медиумите се точни, постапките на овие земји противречат на Олимписката повелба. Јас не знам какви конкретни докази ќе се содржат во извештајот на Мекларен по повод антидопинг прекршоците на руската репрезентација на Олимпијадата во 2014 година. Но, повторувам, праксата покажува дека не постои земја во светот која нема своја историја со допинг. И ако во такви ситуации настапува колективна одговорност, тоа претставува чиста дискриминација на индивидуалните чисти спортисти кои имаат право да настапуваат на Олимпијадата“, истакна Брусникина.

u041cu0435u0434u0438u0443u043c: u0434u0435u0441u0435u0442 u0437u0435u043cu0458u0438 u0431u0430u0440u0430u0430u0442 u043eu0442u0441u0442u0440u0430u043du0443u0432u0430u045au0435 u043du0430 u0420u0443u0441u0438u0458u0430 u043eu0434 u041eu043bu0438u043cu043fu0438u0458u0430u0434u0430u0442u0430 u0432u043e u0420u0438u043e

Шефицата на комисијата за спортисти при ОКР смета дека претставниците на Русија не треба да подлегнат на провокациите. „Сите треба да го истрпиме тоа и да го издржиме, нема друг начин“, потенцираше Брусникина. „Сега нѐ провоцираат на реакција, за Русија сама да донесе одлука да ја прескокне Олимпијадата. Токму на ова не смееме да подлегнеме“.

„Убедена сум дека ако Олимпијадата ја пропушти еден од нејзините клучни учесници, тоа во секој случај ќе остане во историјата на олимпиското движење како негативен фактор на развој на ова движење. Силно се надевам дека претседателот на Меѓународниот олимписки комитет многу добро го разбира ова“, додаде таа.

На 18 јули ќе биде објавен извештајот на независната комисија на Светската агенција за антидопинг (WADA) со која претседава канадскиот адвокат Ричард Мекларен за исходот на истрагата во врска со обвинувањата за допинг на Олимписките игри 2014 во Сочи.

Сите права ги задржува „Росијскаја Газета“.

спорт големи спортски натпревари олимписки игри Накратко