ИААФ формално ги стави руските атлетичари на списокот со учесници на ОИ

Меѓународната атлетска федерација (ИААФ) ги објави на својот сајт списоците со спортисти кои ги исполнија олимписките норми и се пласираа за Олимписките игри 2016 во Рио де Жанеиро.

На списоците влегоа и атлетичари од Русија.

u0418u0441u0438u043du0431u0430u0435u0432u0430 u043fu043eu0432u0438u043au0430 u0434u0430 u0441u0435 u0440u0430u0441u0444u043eu0440u043cu0438u0440u0430 u0418u0410u0410u0424

Сепак, руските спортисти се отстранети од меѓународните турнири поради дисквалификацијата на Серуската атлетска федерација (ВФЛА). На 2 јули Олимпискиот комитет на Русија и 68 атлетичари поднесоа тужба до Судот за спортска арбитража (CAS) која ќе биде разгледана на 19 јули.

На списокот на ИААФ спортистите, кои ја чекаат одлуката на CAS, се истакнати одделно: нивното  учество во Олимпијатада 2016 зависи од одлуката на судот. Притоа до имињата на руските атлетичари не е наведена нивната националност.

Засега на списокот на ИААФ влегоа само двајца претставници од Русија кои ќе можат да учествуваат во Игрите независно од одлуката на судот: Дарја Клишина и Јулија Степанова. Клишина доби можност да учествува како неутрален атлетичар, а Степанова, која беше информатор на WADA во допинг-скандалот, доби шанса за учество со посебна покана, пишува РИА „Новости“.

Сите права ги задржува „Росијскаја Газета“.