Медиум: Руските авиокомпании со огромни загуби

Финансиската состојба на руските авиокомпании се влошува, а учесниците на пазарот сметаат на државна поддршка. Ова во вторникот, 12 јули, го пишува „Комерсант“ повикувајќи се на претседателот на Асоцијацијата на воздушни превозници на Русија Владимир Тасун.

Според неговите податоци, оперативните загуби на најголемите руски авиокомпании во првиот квартал од 2016 година пораснале на 24 милијарди рубли (340 милиони евра) во споредба со 16 милијарди (225 милиони евра) за истиот период од минатата година. „Показателите изгледаат депресивно и ги покажуваат негативните тенденции кои се појавија во 2015 година“, изјави Тасун.

u0420u0443u0441u043au0438u0442u0435 u0430u0432u0438u043eu043au043eu043cu043fu0430u043du0438u0438 u043du0435u043cu0430u0430u0442 u0434u043eu0432u043eu043bu043du043e u0430u0432u0438u043eu043du0438 u0437u0430 u0447u0430u0440u0442u0435u0440 u043bu0435u0442u043eu0432u0438 u0432u043e u0422u0443u0440u0446u0438u0458u0430

Расходите на авиокомпаниите во првиот квартал се зголемиле за 15 проценти – на 225 милијарди рубли. „Очигледно дека за сметка на зголемувањето на тарифите или овозможувањето на чартер дестинациите, на пример за Турција, нема да успееме да ја вратиме побарувачката“, изјави Тасун.

Со сегашното ниво на куповна моќ дури и минималното покачување на цените само ќе ја влоши состојбата, истакна тој. Затоа е неопходна пооперативна реакција на соодветните власти и продолжување на поддршката на оваа индустрија. „Веројатно треба да се направи државна нарачка за авиопревоз на социјално загрозените слоеви на насселението или максимално да им се олесни даночното оптоварување на компаниите“, додаде Тасун.

Сите права ги задржува „Росијскаја Газета“.