МЕ РФ: Нафтата и јагленот ќе доминираат уште 20 години

Уделот на нафтата и јагленот во светскиот енергетски баланс ќе се намалува, но во следните 20 години тие ќе доминираат, изјави првиот заменик-министер на Министерството за енергетика на Русија Алексеј Текслер на меѓународниот индустриски саем „Иннопром 2016“.

„Се разбира, јаглеводородите ќе доминираат во енергетскиот баланс во следниве 20 години. Иако уделот на нафтата и јагленот ќе се намалува поради тоа што динамиката која ќе ја забележуваме ќе биде поврзана со обновливите извори на енергија. Ние го предвидуваме тоа во нашиот енергетски баланс“, изјави Текслер, пренесува „Взгљад“.

Текслер ги нарече обновливата енергија и гас „гориво на иднината“. „Ние разбираме дека горивото на иднината е обновливата енергија заедно со енергетската ефикасност од големи размери. Плус развојот на потрошувачката на гас. И гасот е современ еколошки вид на гориво. Веројатно тие се две компоненти на кои треба да им се обрне особено  внимание – се разбира, енергетскиот баланс на иднината ќе се менува во полза на овие видови енергија“, истакна првиот заменик-министер за енергетика на Русија.

Тој потсети дека во 2013 година заедно со Министерството за индустриски развој и трговија на РФ била активирана програма за поддршка на обновливи извори на енергија поврзана со локализацијата на производството на ветерници и соларни панели.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња