Презентиран првиот дрон во Русија отпечатен на 3-Д печатач

Обединетата корпорација за производство на инструменти (ОПК) го презентираше на саемот „Иннопром-2016“ во Екатеринбург првото беспилотно летало во целост произведено со технологијата за 3-Д печатење, соопшти претставник на корпорацијата.

„Новото беспилотно летало може да носи видеоапаратура и да исполнува различни задачи, поврзано со извидување и мониторинг на територијата“, изјави претставник на корпорацијата, пренесува „Взгљад“.

Според неговите зборови, процесот на изработка на таквото беспилотно летало трае околу еден ден, а компонентите на беспилотното летало пред лансирањето се составуваат за 15-20 минути.

Беспилотното летало, дизајнирано од Конструкторското биро „Луч“ кое е дел од корпорацијата, успешно ги помина летачкоконструкторските испитувања. Дронот е способен да лета во радиус до 50 км и е опремен со мотор од домашно производство, тежи помалку од 4 кг, а опсегот на крилата изнесува 2,4 метри.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња