Медиум: Русија го доведува во прашање единството на НАТО

Германија, Франција и Италија покажуваат подготвеност да се откажат од цврстата позиција спрема Русија, пишува „Њујорк Тајмс“ коментирајќи го самитот на НАТО што се одржа во Варшава на 8-9 јули.

Во статијата под наслов „Единството на НАТО попушта под притисокот на Русија“, се истакнува дека претседателот на САД Барак Обама и лидерите на државите од ЕУ на самитот на Алијансата „се обидоа да покажат единствен фронт“.

„Меѓутоа, во Варшава се покажа дека зад надворешнот единство во Европа се појавуваат сѐ повеќе несогласувања, освен очигледниот развод со Велика Британија кој привлекува најмногу внимание“, се наведува во статијата.

u041du0410u0422u041e u043du0438 u043fu0440u0435u0434u043bu0430u0433u0430 u0432u0440u0430u045cu0430u045au0435 u0432u043e u043cu0438u043du0430u0442u043eu0442u043e

Авторот на текстот смета дека „повеќето од тие несогласувања се однесуваат на прашањето за тоа дали треба да се одвраќа или смирува Русија“.

Весникот истакнува дека „Германија, Франција и Италија покажуваат дека се подготвени да се откажат од цврстиот став“ кој го зазедоа во прашањата „од економските санции кои треба да извршат притисок врз Русија па сѐ до воените маневри кои имаат за цел одвраќање“.

„Њујорк Тајмс“ во врска со тоа потсетува дека италијанскиот премиер Матео Ренци неодамна учествуваше на Петербуршкиот меѓународен економски форум.

„Претседателот на Франција Франсоа Оланд зборуваше за неопходноста од соработка со Русија“, се наведува во статијата. „Министерот за надворешни работи на Германија Франк-Валтер Штајнмаер искажа критика за масовните воени маневри во Полска минатиот месец, велејќи дека тие ја провоцираат Русија. Тој го нарече тоа „ѕвецкање со оружјето“.

u041bu0438u0434u0435u0440u0438u0442u0435 u043du0430 u041du0410u0422u041e u0441u043e u0434u0435u043au043bu0430u0440u0430u0446u0438u0458u0430 u0437u0430 u0420u0443u0441u0438u0458u0430

Весникот исто така ги наведува зборовите на поранешниот пратеник на САД во НАТО Николас Барнс кој неодамна беше во ЕУ.

„Бев изненаден од несогласувањата меѓу раководството на Европа во тоа како да се одговори на овие предизвици“, изјави тој.

Еден од главните резултати на самитот во Варшава е проширувањето на военото присуство во близина на руските граници. Според мислењето на експертите, изјавите на НАТО за тоа дека не сакаат судир со Русија се на ниво на реторика, додека со своите потези НАТО покажува дека Русија е за него непријател. 

Сите права ги задржува „Росијскаја Газета“.