Руски Фонд за перспективни истражувања: Како ќе изгледа војната во иднина

Војните во иднина ќе бидат водени од роботи и беспилотни летала, заедно со извидувачко-ударни системи, а војникот ќе стане оператор, изјави во интервју за РИА Новости шефот на рускиот Фонд за перспективни истражувања Андреј Григорјев. 

u0420u0443u0441u043au0430u0442u0430 u0430u0440u043cu0438u0458u0430 u0441u0435 u043eu0440u0438u0435u043du0442u0438u0440u0430 u043du0430 u0440u043eu0431u043eu0442u0438

„Гледам дека роботизацијата сѐ повеќе зема замав, практично идната војна ќе биде војна на оператор и машини, а не на војници кои на боиштето пукаат еден во друг. Воените задачи ќе се решаваат со минимални човечки загуби. Војникот полека ќе станува оператор и ќе се оддалечува од бојното поле“, изјави Григорјев. 

Според негово мислење иднината е во беспилотните системи, кои ќе бидат повеќенаменски и способни да дејствуваат во секоја средина, рече Григорјев. 

Фондот за перспективни истражувања е основан 2012 година како пандан на американската агенција „ДАРПА“ (DARPA) чија задача е промовирање на иновации во вооружените сили. Во моментов Фондот работи на повеќе од 50 проекти, а со таа цел се отворени лаборатории во водечките високообразовни установи и научни институти во земјата, пишува РИА „Новости“. 

Сите права ги задржува „Росијскаја Газета“.