Истражување:Поддршката на санкциите против Русија чини 60 милијарди долари
Експертите извршиле процена како на формалните, така и на неформалнитте ограничувања во трговијата. Основниот дел од загубите (82%) оди на стоки кои не потпаѓаат под руското ембарго, пишува „Взгљад“.
На земјите од ЕУ отпаѓаат две третини од загубите (77%). Пред кризата на Русија одеа 2,3% од извозот на земјите кои ги поддржуваат самнкциите, а рускиот извоз во нив изнесуваше 63,8% од сите надворешни испораки. За време на санкциите просечно веројатноста за извоз се намали за 8-14%, а вредноста за 3,5-7,5%.
На почетокот на заострувањето на односите (од февруари до јули 2014 година) намалувањето на извозот изнесуваше просечно 14,6% (кај земјите од ЕУ – за 13,8%, притоа курсот на рубљата спрема доларот за тоа време се намали само за 6%). По воведувањето на формалните ограничувања (од август 2014 година) – просекот изнесуваше 12,9% (во ЕУ - 24,9%). Извозот на санкционирани стоки од август 2014 година се намали приближно за 90%.
Извозот кај земјите кои не ги поддржаа санкциите соодветствуваа на претходни прогнози со земање предвид на девалвацијата на рубљата – затоа што експортот кај земјите кои ги поддржаа ограничувањата се намали позначително.
Претворено во пари, загубената добивка е максимална кај германските извозници (околу 830 милиони месечно, или 27% од вкупните загуби), Украина - 450 милиони долари, како и кај Полска, Холандија, Франција и Јапонија (околу 200 милиони долари). Според податоците на Федералната царинска служба на РФ, по првото полугодие од 2014 година увозот од ЕУ се намалил за 6,1%, додека во целина од сите земји за 4,8%, во целина на годишно ниво - за 11,7% и 9,2% . Во 2015 година падот на извозот од ЕУ изнесуваше 40,2%, но и експортот поради намалувањето на цените на енергетските ресурси се намали за 31%. Во пари само увозот од ЕУ за две години се намали за 64 милијарди долари.
Сите права ги задржува „Росијскаја Газета“.