Русија го зголеми извозот на нафта

Според резултатите од првото полугодие извозот на нафта од Русија е зголемен на 116.356 милиони тони, што е за 5.8 проценти повеќе од истиот период минатата година.

Според резултатите од првото полугодие извозот на нафта од Русија е зголемен на 116.356 милиони тони, што е за 5.8 проценти повеќе од истиот период минатата година. Делумно зголемувањето се засновува на факторот на престапната година.

Ова се вели во оперативниот отчет на Централната диспечерска управа на горивно-енергетскиот комплекс на Русија, објавен на 2 јули. Испораките во земјите од блиското соседство (Белорусија) се зголемени за два проценти, односно 11.5 милиони тони, пренесува Интерфакс

Експлоатацијата на нафта и на гасен кондензат во Русија во периодот од јануари до јуни е порасната за 2.1 процент, односно 269.877 милиони тони. Изразено во дневна бројка тоа изнесува 10.869 барели. Експлоатацијата на гас, пак, е намалена за 1.3 проценти, односно 307.633 милиони кубни метри.

Во Министерството за економски развој на РФ сметаат дека според резултатите, во 2016 година експлоатацијата на нафта и на гасен кондензат ќе порасне од 534 на 540-542 милиони тони, извозот на нафта од 241.8 на 255 милиони тони, а експлоатацијата на гас од 633 на 638 милијарди кубни метри.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња