Владимир Путин се сретна со претседателот на Финска Саули Нинисте

Претседателот на Финска Саули Нинисте ја оцени ситуацијата во Украина како маѓепсан круг од кој е невозможно да се излезе поради отсуството на напредок и во однос на безбедноста, и во однос на политичкото регулирање, објави денес РИА Новости. 

Нинисте во петокот, 1 јули, имаше разговори со претседателот на Русија Владимир Путин.

„За време на нашиот разговор беа покренати прашањата за тоа дека живееме во таков свет во кој има еден вид маѓепсан круг од кој е прилично тешко да се излезе. Ова се однесува како на ситуацијата во Украина, така и на оние прашања кои се јавуваат во регионот на Балтичко Море. Во Украина во моментов се одвива толку активна дискусија по повод исполнувањето на договорот од Минск и може да се каже дека ова се случува во две насоки. Прво, во насока на безбедноста и во насока на политичкото регулирање“, изјави Нинисте на заедничката прес-конференција.

Според претседателот на Финска нема напредок во ниту една од овие две насоки. „Нема напредок во едната насока, ако нема напредок во другата. И се добива затворен круг“, рече тој.

Нинисте истакна дека за гарантирање на почитувањето на режимот на прекин на огнот се вложуваат сериозни напори. Според него токму тоа може да биде поттик за движење во двете насоки за смирување на ситуацијата во Украина.

u041fu0440u0438u0458u0430u0442u0435u043bu0438u0442u0435 u0438 u043du0435u043fu0440u0438u0458u0430u0442u0435u043bu0438u0442u0435 u043du0430 u0420u0443u0441u0438u0442u0435

Сите права ги задржува „Росијскаја Газета“.