Санкциите за Русија продолжуваат

Советот на Европската Унија и официјално ги „продолжи економските секторски санкции против РФ  за уште шест месеци, односно до 31 јануари 2017 година“.

Ова се вели во изјавата на Советот на Европската Унија. Одлуката за ова официјално стапува на сила во сабота, 2 јули, по нејзиното објавување во Официјалниот билтен на ЕУ.

„Советот на ЕУ ги продолжи економските санкции кои се насочени кон одделни сектори на руската економија за шест месеци до 31 јануари 2017 година“, се вели во изјавата. Оваа одлука има чисто технички карактер – политичката одлука за продолжување на санкциите беше донесена на 21 јуни на заседанието на Комитетот на ЕУ на ниво на постојани претставници.

ЕУ планира да организира голема дискусија за односите со РФ и за понатамошната судбина на своите санкции оваа есен.

Претходно германската канцеларка Ангела Меркел изјави дека продолжувањето на ограничувачките мерки во однос на Русија кои беа воведени поради ситуацијата во Украина се неопходни.

Како одговор на донесената одлука, вчера претседателот на Руската Федерација Владимир Путин го потпиша указот за продолжување на ембаргото за увоз на прехранбени производи од ЕУ од 6 август 2016 година до 31 декември 2017 година.

u041au0430u043au043e u0411u0440u0435u0433u0437u0438u0442 u043cu043eu0436u0435 u0434u0430 u0441u0435 u043eu0434u0440u0430u0437u0438 u043du0430 u0440u0443u0441u043au0430u0442u0430 u0435u043au043eu043du043eu043cu0438u0458u0430?

Сите права ги задржува „Росијскаја Газета“.