Путин: На сите ни е потребна силна, самостојна и отворена Русија

Мораме да ја зачуваме и зголемиме специфичноста на руската цивилизација, изјави претседателот на Русија Владимир Путин на конгресот на партијата „Единствена Русија”.

„Сите знаеме дека многу граѓани сѐ уште живеат тешко. Но сите тие се надеваат на вас, веруваат дека вие не само што ќе ја зачувате, туку и ќе ја зголемите онаа уникатна природа, онаа уникатна цивилизација која е скапоцена секому од нас и чие име е Русија. Немојте да ги изневерите нивните очекувања. Немојте да ги измамите“, изјави рускиот претседател обраќајќи им се на членовите на партијата, пренесува „Взгљад”.

u041fu0443u0442u0438u043d: u0420u0443u0441u0438u0458u0430 u043du0435 u0441u0430u043au0430 u0436u0435u043bu0435u0437u043du0438 u0437u0430u0432u0435u0441u0438

Тој истакна дека „на сите ни е потребна силна и самостојна, отворена и успешна Русија, во која секо може да го реализира својот талент, своите можности, во која државата и граѓаните слушаат, се поддржуваат и почитуваат едни со други, а општествената слога, солидарноста и интересите на земјата се наоѓаат над сите несогласувања“.

Путин истакна дека за властите на земјата главна вредност имаат нејзините луѓе, „најобичните граѓани кои живеат во градовите и селата и се носители на јазикот, традицијата и културата“.

Владимир Путин учествува на конгресот на „Единствена Русија” првпат последниве четири години. Тој последен пат учествуваше на конгрес во 2012 година кога ја напушти функцијата претседател на партијата за да ја преземе должноста претседател на земјата.

Претседателот на РФ на 17 јуни го потпиша указот со кој се одредува датумот на одржување на парламентарни избори за 18 септември.

Сите права ги задржува „Росијскаја Газета“.