Лавров за Хамонд: Медицински случаи не коментирам

Министерот за надворешни работи на Русија Сергеј Лавров иронично одговори на барањето да ги коментира изјавите на европските и американските политичари дека резултатите од референдумот во Велика Британија, каде што мнозинството граѓани се изјасни за излегување од ЕУ, наводно можат да ги „израдуваат“ руските власти.

Лавров потенцираше дека тој „не се здобил со медицинско образование“. „Затоа не коментирам медицински случаи“, пренесува „Взгљад“.

Рускиот министер исто така го нарече внатрешна работа на Велика Британија исходот од референдумот за членство во ЕУ. „Тоа е внатрешна работа на англискиот народ“, изјави тој.

„Постојат аритметички податоци од референдумот, тоа е волјата на народот на Велика Британија. Одлучете самите“, додаде министерот на барањето за мислење чија победа е резултатот од референдумот.

Како што изјави министерот за надворешни работи на Велика Британија Филип Хамонд, претседателот на Русија ќе се „израдува“ поради тоа што Британците изгласаа излегување од Европската унија и поради идните можности за омекнување на антируските санкции од страна на ЕУ.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња