ИААФ: Засега само еден руски атлетичар може да оди на Олимпијадата

Според агенцијата „Асошиејтед Прес“, шефот на ИИАФ Себастијан Коу најверојатно мислел на Јулија Степанова, атлетичарката која на разни странски медиуми им доставуваше информации за допингот во рускиот спорт.

Имајќи ги предвид строгите критериуми за селекција, само еден руски атлетичар засега може да ја помине предвидената процедура за разгледување на пријавите за учество на Олимписките игри во Рио де Жанеиро, изјави Себастијан Коу, шеф на Меѓународната атлетска федерација ИААФ.



„Доколку руските атлетичари сакаат да учествуваат на претстојните Олимписки игри, тие мораат да бидат надвор од системот, надвор од својата земја за да можеме да провериме дали се „чисти“ во поглед на допинг, да нема фатални влијанија. Колку што разбрав засега можеме да зборуваме само за еден случај (една пријава)“, рече Себастијан Коу, пренесува  „Асошиејтед Прес“ додавајќи дека најверојатно станува збор за Јулија Степанова, која на разни странски медиуми им доставуваше информации поврзани со допингот во рускиот спорт.

Меѓународната атлетска федерација ја потврди суспензијата на Серускиот атлетски сојуз и на руските атлетичари за Олимпијадата во Рио де Жанеиро на 17 јуни. Потоа Меѓународниот олимписки комитет им препорача на меѓународните федерации да донесат свои одлуки за учество на секој спортист поединечно, пишува РИА „Новости“.  

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња