САД обучува украински и литвански новинари за борба со „руската пропаганда“

22 јуни 2016

Руска реч на македонски

Америка обучува новинари во Литванија и Украина за борба против „руската пропаганда“, соопштија кандидатите за должноста американски амбасадор во овие земји Ен Хол и Мари Јовановиќ во сенатот на САД.

„Ние и литванската страна работиме на обука на новинари. Во своите програми вклучуваме новинари кои го зборуваат рускиот јазик“, изјави Ен Хол, пренесува РИА „Новости“.

„Литванија се соочува со руската пропаганда веќе подолго време. Всушност, таа никогаш и не престанала“, додаде дипломатот.

Таа тврди дека, наводно, „софистицираната пропаганда е зголемена по 2014 година. Таа е насочена, пред сѐ, кон населението кое го зборува рускиот јазик и може да има разурнувачко влијание врз целото општество“.

u201eu0423u0441u043fu0435u0441u0438u0442u0435u201c u043du0430 u0415u0423 u0432u043e u0431u043eu0440u0431u0430u0442u0430 u0441u043e u0440u0443u0441u043au0430u0442u0430 u043fu0440u043eu043fu0430u0433u0430u043du0434u0430

Од своја страна, Јовановиќ наведе дека САД „создаваат можност унијата на новинари самата да може да ѝ се спротивстави на руската пропаганда“. Таа изјави дека постојат „низа програми“, но не изнесе никакви детали.

Прашање за „руската пропаганда“ во Украина беше упатено и до поранешниот претставник на САД во таа земја Џефри Пает, чија кандидатура за местото амбасадор во Грција се разгледуваше во исто време. Тој тврди дека „Русија ги користи информациите како дел од својата воена кампања против Украина“.

Претходно помошничката на државниот секретар на САД Викторија Нуланд соопшти дека американската влада издвојува околу сто милиони долари за „борба против руската пропаганда“. Таа тогаш се пожали дека Вашингтон нема доволно ресурси за таа намена.

Сите права ги задржува „Росијскаја Газета“.

русија и сад Накратко