Столтенберг ја обвинува Русија за кршење на договорот со НАТО

Генералниот секретар на НАТО Јенс Столтенберг смета дека Русија не се придржува до Основниот акт за соработка и безбедност.

„Меѓу другото, основниот акт предвидува определени ограничувања за руското воено присуство. Тоа, меѓутоа, беше значително зголемено“, изјави Столтенберг во интервју за весникот „Зиддојче Цајтунг“.

u041fu0440u043eu0442u0438u0432u0440u0430u043au0435u0442u0435u043d u0441u0438u0441u0442u0435u043c u0432u043e u0415u0432u0440u043eu043fu0430: u043fu043eu0441u0442u043eu0438 u043bu0438 u0437u0430u043au0430u043du0430 u0437u0430 u0420u0443u0441u0438u0458u0430?

Според него, „излишно“ зголемување на руското вооружување земјите во НАТО забележале во Калининград, на Крим, во Баренцовото, Балтичкото и Црното море, како и во источниот Медитеран. Подетални информации генералниот секретар на Алијансата не наведе.

Столтенберг исто така изјави дека Русија го прекршила „основниот принцип на актот кој се состои во „почитување на суверенитетот и територијалниот интегритет на сите држави“.

Генералниот секретар на Алијансата повтори дека зголемувањето на военото присуство на НАТО на источното крило е планирано за спречување можни конфликти. Тој исто така истакна дека распоредувањето на четири илјади војници во балтичките земји и Полска ќе се реализира заедно со други мерки, а не изолирано.

Сите права ги задржува „Росијскаја Газета“.