Руски војник загина во Сирија

Војникот на рускиот Центар за помирување на завојуваните страни во Сирија Андреј Тимошенков загина во Сирија, соопшти Министерството за одбрана на Руската Федерација.

Тимошенков загинал запирајќи автомобил полн со експлозив кој се движел кон местото на раздавање на хуманитарна помош за цивилите во провинцијата Хомс.

„Наредникот Тимошенков Андреј Леонидович запре автомобил полн со експлозив отворајќи оган од огнено оружје. При експлозијата на автомобилот управуван од бомбаш-самоубиец Андреј се здобил со фатални рани“, го пренесува РТ на руски соопштението на министерството.

Според податоците на Министерството за одбрана на Русија, воените лекари во авиобазата „Хмејмим“ повеќе од едно деноноќие се бореле за животот на војникот, меѓутоа на 16 јуни Тимошенков починал од здобиените тешки повреди.

„Наредникот Тимошенков Андреј Леонидович од страна на командата е предложен за државно одликување посмртно“, додадоа од рускиот одбранбен ресор.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња