Тројца руски навивачи осудени на казна затвор во Франција

16 јуни 2016

Руска реч на македонски

Судот во Франција осуди тројца Руси на затворски казни од една до две години по нередите во Марсеј пред натпреварот Русија-Англија на Европското првенство во фудбал.

Според информациите на агенцијата „Франс Прес“, осудени се руските државјани Николај Морозов, Сергеј Горбачов и Алексеј Ерунов.

Ерунов, навивач на „Локомотив“ од Москва е осуден на 24 месеци затвор, Горбачов, водач на навивачите на рускиот второлигаш „Арсенал“ од Тула доби 18 месеци, додека Морозов е осуден на 12 месеци затворска казна.

u0412u0438u0434u0435u043e: u0422u0435u043fu0430u0447u043au0430 u043cu0435u0453u0443 u0440u0443u0441u043au0438u0442u0435 u0438 u0430u043du0433u043bu0438u0441u043au0438u0442u0435 u043du0430u0432u0438u0432u0430u0447u0438 u0432u043e u041cu0430u0440u0441u0435u0458

Минатата сабота по првиот натпревар на репрезентацијата на Русија на ЕП 2016 против Англичаните, на марсејскиот стадион „Велодром“ околу 30 руски навивачи го пробија безбедносниот кордон, влегоа на трибината со англиски навивачи, по што почна тепачката.

Во градот исто така се случија судири меѓу навивачите, локалните жители и полицијата. Како резултат на немирите беа повредени не помалку од 30 лица.

УЕФА подоцна условно ја дисквалификуваше репрезентацијата на Русија до крајот на првенството: екипата ќе биде исфрлена од турнирот ако навивачите повторно испровоцираат нереди, пишува РИА „Новости“.

Сите права ги задржува „Росијскаја Газета“.

русија и еу фудбал големи спортски натпревари Накратко