Во Русија пуштен во работа телескоп за откривање на опасни астероиди

15 јуни 2016

Руска реч на македонски

Арсениј Калашников

Во опсерваторијата на Институтот за сончево-земна физика на сибирското одделение на Руската академија на науките почна да работи првиот телескоп во Русија наменет за решавање на проблеми кои се однесуваат на ризици од астероиди и комети, соопшти весникот „Известија“

Новиот телескоп АЗТ-33 ВМ со видно поле од 2,8 степени, создаден од санктпетербуршката компанија „ЛОМО“, е наменет за барање опасни астероиди. Според зборовите на Борис Шустов, претседател на експертската група за космички закани во Советот на РАН за вселената, телескопот може да најде мал астероид со големина од 50 метри на растојание од една астрономска единица - 150 милиони километри.

u0421u043fu0440u0443u0442, u0423u0434u043eu0434 u0438 u0434u0440u0443u0433u0438 u043au043eu0441u043cu0438u0447u043au0438 u0435u043au0441u043fu0435u0440u0438u043cu0435u043du0442u0438

„Тоа значи дека на такво растојание може да се открие тело кое според параметрите може да се спореди со тунгузискиот метеорит. Најкусо време за пристап на таквите тела до Земјата од толкава далечина е еден месец, во случај на најлошото сценарио. Но, обично тоа се години. Односно се појавува можност да се откриваат потенцијално опасни тела долго време пред тие да се доближат до Земјата“, изјави Шустов за „Известија“.

Во рамките на Федералната вселенска програма за 2016-2025 година, во Русија е планирано да се создаде автоматизиран систем за предупредување за опасни ситуации во близина на Земјата. Во рамките на проектот ќе се развијат нови технологии и софтверски алатки за откривање на опасни по Земјата небесни тела.

Сите права ги задржува „Росијскаја Газета“.

руска технологија Накратко