Медиум: Како ќе изгледаат војните во иднина?

Според авторот на текстот, во последните 15 години американската војска води операции само против лошо вооружени бунтовници сиромашните и слабо организирани терористички организации. Сега таа треба „повторно да научи да им се спротивставува на големи армии“.

Обучувањето во вештини за водење „обични воени кампањи“, кои „Њујорк тајмс“ ги нарекува „војни на минатото“, неопходно е поради јакнењето на воената моќ на Русија и Кина, како и на непредвидливата Северна Кореја. 

Затоа, продолжува весникот, во САД се реализираат нови видови на воени вежби во насока на подготовка за да се спречи она што Пентагон го нарекува „хибридна војна на иднината“. Под овој термин САД подразбираат „збир на обични конфликти, побуни и сајбер закани“.

u0420u0443u0441u043au0430u0442u0430 u0430u0440u043cu0438u0458u0430 u0441u0435 u043eu0440u0438u0435u043du0442u0438u0440u0430 u043du0430 u0440u043eu0431u043eu0442u0438

„Кога зборуваат за висок степен на закани, гледате различни нивоа на можности, а Армијата на САД се нема борено против таков тип на противник долго време. Видовите обука во иднина нема да бидат како порано, бидејќи околината е фундаментално поинаква“, изјави началникот на Генералштабот на Армијата на САД Марк Мили.

Според него, идните војни „можат да бидат водени од редовни вооружени сили, специјални сили, партизани, терористи и криминалци, сите заедно, во многу сложени услови, со потенцијално висока густина на цивилно население“.

„Њујорк тајмс“ го наведува мислењето и на претставниците на американската флота за тоа дека во идните воени кампањи е важно да се воспостави контрола над морињата и океаните.

u0420u0443u0441u043au0430u0442u0430 u043cu043eu0440u043du0430u0440u0438u0446u0430 u0441u0435 u043fu043eu0434u0433u043eu0442u0432u0443u0432u0430 u0437u0430 u0434u043eu043bu0433u0438 u043eu043fu0435u0440u0430u0446u0438u0438 u0448u0438u0440u0443u043c u0441u0432u0435u0442u043eu0442

„Кога ќе ја видите обновената конкуренција меѓу државите, треба да се обрне посебно внимание не само на проектирањето на силата туку и на контрола над морето“, изјави американскиот адмирал Џон Ричардсон.

Американската војска последниве години ја обвинува Русија дека води тнр. „хибридна војна“. Американските воени претставници постојано бараат зголемување на буџетот за одбрана на земјата и зајакнување на присуството на НАТО во Источна Европа.

Сите права ги задржува „Росијскаја Газета“.