Абхазија нема намера да одржи референдум за присоединување кон Русија

Абхазискиот премиер Артур Миквабија, коментирајќи го референдумот во Јужна Осетија за присоединување кон Русија, изјави дека нема да го следат таквиот пример, затоа што „Абхазија – тоа е друга приказна“.

u0408u0443u0436u043du0430 u041eu0441u0435u0442u0438u0458u0430 u0432u043e 2017 u0433u043eu0434u0438u043du0430 u0441u043e u0440u0435u0444u0435u0440u0435u043du0434u0443u043c u0437u0430 u043fu0440u0438u0441u043eu0435u0434u0438u043du0443u0432u0430u045au0435 u043au043eu043d u0420u0443u0441u0438u0458u0430

„Мотивите на Цхинвали се разбирливи. Осетинците се поделен народ, дел сега живее во Русија, а дел во Јужна Осетија. Затоа постои желба за обединување. Кај нас ситуацијата е поинаква. Ние сакаме да бидеме независна држава и истовремено сигурен и верен сојузник на Велика Русија. Ние ја заслуживме својата независност, дадовме за неа илјадници животи на најдобрите синови и ќерки“, изјави абхазискиот премиер во интервју за РИА „Новости“.

Јужна Осетија и Абхазија прогласија независност од Грузија во август 2008 година, по вооружената агресија на Тбилиси врз Цхинвали. Русија го призна суверенитетот на републиките на 26 август 2008. Москва повеќепати има истакнато дека оваа одлука целосно ги одразува тековните реалии и не е предмет на ревизија.

Сите права ги задржува „Росијскаја Газета“.