Наришкин: Примитивната русофобија во Европа полека исчезнува

Претседателот на Државната дума Сергеј Наришкин смета дека француската влада мора да ја земе предвид токму донесената резолуција на Сенатот со која се повикува на постепено укинување на санкциите против Руската Федерација.

Претседателот на Државната Дума на Русија Сергеј Наришкин смета дека француската влада мора да обрне внимание на штотуку донесена резолуција на Сенатот која повикува на постепено укинување на санкциите против Руската Федерација во согласност со спроведувањето на „Минската спогодба“ за решавање на проблемот во Украина.

Сергеј Наришкин е убеден дека француската влада има позитивно мислење за резолуцијата на Сенатот.

„Во свеста на европските политичари и парламентарци полека почнува да преовладува мислење спротивно на антируската реторика и русофобија, а одлуката на францускиот Сенат спаѓа во таквите тенденции“, изјави претседателот на руската Дума.

„Владата сигурно нема да биде во можност да го заобиколи мислењето на пратениците“, рече Наришкин.

Според него, Франција е правна држава, а во секоја правна држава мора да биде земено предвид мислењето на Собранието.

Резолуцијата, која има советодавен карактер, беше усвоена со мнозинство на гласови, пренесува нашето матично издание „Росијскаја газета“.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња