САД бараат првокласни патишта од Полска за да ја спречат руската закана

Американскиот генерал бара подобри патишта во Полска за да може да спречи евентуална руска агресија.

На големи воени вежби „Анаконда“ на НАТО во Полска, командантот на Армијата на САД во Европа Бен Хоџис изјави дека за да може американската армија да реагира брзо на заканата од Русија, на Полска ѝ се потребни првокласни автопатишта, соодветни на стандардите на ЕУ и аналог на Шенген зоната за војската, соопштува ТВ „Ѕвезда“.

„Во случај на конфликт ние треба брзо да ги концентрираме војските, брзо да ги здружиме силите, да го сториме тоа за околу 72 часа, а при сегашните околности, исполнувањето во тој рок е нереално“, изјави американскиот генерал.

На 7 јуни во Полска почнаа најмасовните маневри во историјата на земјата. Во нив учествуваат 31000 војници од 24 земји. Маневрите имаат за цел да ја проверат реакцијата на армијата на евентуална агресија од страна на Руската Федерација во однос на НАТО-пактот на исток.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња