САД заинтересирани за продолжување на дијалогот за ПРО со Русија

Изјавите на Москва за неподготвеноста на САД да водат дијалог со Русија за противракетната одбрана предизвикуваат забуна, американскиот помошник-државен секретар Роуз Гетемилер за „Интерфакс“ во вторникот. Според зборовите на дипломатот „всушност, ние имавме прилично сложени и сериозни дискусии за противракетната одбрана и други прашања од стратешка стабилност повремено на маргините од преговорите во Женева во 2009 година за новиот договор СТАРТ“.

„Сѐ уште сме заинтересирани да ги обновиме таквите дискусии. Би биле среќни ако руската страна се покаже подготвена за обнова на дијалогот со нас“, потенцираше Гетемилер.

Како што истакна помошникот-државен секретар, „САД во неколку наврати јасно ја изразија својата подготвеност за соработка со Русија за целиот спектар прашања кои влијаат на стратешката стабилност, како и дека е неопходно да се преземат конкретни и важни чекори со цел да се воспостави попредвидлива и побезбедна ситуација“.

Таа потсети дека САД и НАТО доставиле неколку предлози до Русија за соработка во областа на противракетната одбрана, вклучително и предлог за создавање на заеднички центри за ПРО и воспоставување режим на транспарентност.

u041fu0440u043eu0442u0438u0432u0440u0430u043au0435u0442u0435u043d u0441u0438u0441u0442u0435u043c u0432u043e u0415u0432u0440u043eu043fu0430: u043fu043eu0441u0442u043eu0438 u043bu0438 u0437u0430u043au0430u043du0430 u0437u0430 u0420u0443u0441u0438u0458u0430?

„Русија ги отфрли предлозите кои би можеле да придонесат за зајакнување на соработката и транспарентноста. Токму Русија еднострано во 2013 година го прекина дијалогот за соработка“, рече Гетемилер.

Според дипломатот, „руските предлози за разгледување на овие проблеми беа ограничени на барањата за давање „правно обврзувачки“  гаранции од страна на САД за ограничување на американската ПРО на таков начин што тоа би можело да ја наруши нашата способност да се браниме, нашите распоредени сили и нашите сојузници од ракетната закана што се развива и расте“.

„Сепак, ние се залагаме за продолжување на дијалогот со цел да се воспостави постабилен, одржливи и транспарентни односи во сферата на безбедноста“, рече Гетемилер.

Притоа таа увери дека во случај на почеток на дијалог со Русија во сферата на ПРО САД ќе ги продолжат „активните консултации со своите сојузници и партнери на секој чекор од патот“.

Сите права ги задржува „Росијскаја Газета“.