Путин: Не читам книги за мене

Владимир Путин објасни зошто не прочитал ниедна книга за себе. „И онака сѐ знам. Јас самиот ги диктирам книгите за мене“, вели рускиот претседател.

По повод 75 години од Меѓународната информативна агенција „Русија Денес“ (Россия Сегодня) (а претходно Агенцијата за печат „Новости“ и РИА Новости) Владимир Путин го посети седиштето на МИА „Русија Денес“, а германскиот новинар Хуберт Зајпел во оваа прилика му ја подари книгата „Путин: Логиката на власта“, пренесува РИА „Новости“.

„Знам сѐ за себе“, се пошегува Путин. „Уште немам прочитано ниедна книга за себе“, призна тој примајќи го подарокот.

Запрашан дали ја прочитал првата книга за него, напишана во времето на првата изборна кампања, претседателот се пошегува: „А зошто би ја читал? Лично ја диктирав. Нема нешто да не знам“.

Германскиот новинар Хуберт Зајпел често го придружуваше Путин во посетите на странските земји, па дури и на лов во Сибир. Мотивот за пишување на оваа книга беше желбата да ѝ се покаже на западната публика вистинскиот руски претседател, вели Зајпел. Пред неколку години кога Путин застана на чело на Владата на Русија Германецот сними и филм за него.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња