„Ростуризм“ предупредува за можни терористички напади во Тунис

Федералната служба за туризам на Русија „Ростуризм“, повикувајќи се на „информација од компетентните органи“ објави препорака за руските туристи повнимателно да му пристапат на прашањето за одмор во Тунис поради опасност од терористички напади.

„Во услови на зголемување на туристичкиот поток во екот на сезоната терористичките групи, поврзани со ИДИЛ, подготвуваат серија екстремистички акции против туристите, вклучувајќи и државјани на Русија“, соопшти „Ростуризм“.

u0420u0443u0441u0438u0458u0430 u043au0430u043au043e u0442u0443u0440u0438u0441u0442u0438u0447u043au0430 u0434u0435u0441u0442u0438u043du0430u0446u0438u0458u0430: u043fu043eu0441u0442u043eu0458u0430u0442 u043bu0438 u0441u043au0440u0438u0435u043du0438 u0441u0438u0433u043du0430u043bu0438?

Според информацијата на институцијата, можни се терористички акти на островот Џерба и во градот Зарзис. На туристите им се препорачува да бидат претпазливи при посетата на Тунис, а на туроператорите – да ги информираат клиентите за заканите по безбедноста на територијата на државата.

Според податоците на рускиот амбасадор во Тунис, по минатогодишните терористички напади во Тунис бројот на патувања на руски граѓани во Тунис се намалил за речиси петпати – на 53 илјади туристи.

Годинава туроператорите очекуваат раст на туристичкиот прилив на руски туристи во Тунис во летната сезона, по затворањето на Турција и Египет, пренесува „Ведомости“.  

Сите права ги задржува „Росијскаја Газета“.