Лавров: Не го оставаме Донбас, туку активно го поддржуваме

Русија не ги напуштила Донбас, туку продолжува да го поддржува на секаков начин, изјави министерот за надворешни работи на Русија Сергеј Лавров во разговорот со новинарката на весникот „Комсомолскаја правда” Дарја Асламова.

„Ние не го оставаме југоистокот на Украина, не го забораваме, туку многу активно го поддржуваме. И тоа не само политички. Тука е и хуманитарната помош, и решавањето на тековните економски проблеми, животните проблеми“, изјави Лавров.

Рускиот министер истакна дека таквата соработка со Донбас ја овозможува „Минската спогодба“, која на овој регион му дава право на директни, неограничени, слободни економски и други врски со Руската Федерација.

u0417u043eu0448u0442u043e u0414u043eu043du0431u0430u0441 u0438 u041au0438u0435u0432 u043du0435 u0441u0435 u0434u0432u0438u0436u0430u0442 u043au043eu043d u043fu0440u0438u043cu0438u0440u0458u0435

На прашањето на новинарката зошто Русија не ја призна независноста на ДНР И ЛНР, иако се одржа референдум во нив како и на Крим, Лавров одговори дека тоа е поради фактот што раководителите на овие републики по референдумот не се откажале од дијалог со Киев. „Резултатот од тој дијалог и е пакетот на „Минската спогодба“, рече Лавров. Тој додаде дека Западот сега врши притисок врз Киев да се почитува „Минската спогодба“.

„Ова е уникатна ситуација. Овој документ сега не може да му се спротивстави на никого и никој не му спротивставува било каков друг документ. И ако сега кажеме, доволно е, немаме повеќе трпение, одиме на друг начин, тие ќе речат: само напред. И Западот нема да врши никакво влијание врз украинската влада. А тоа влијание е  потребно и тоа  не само во врска со ситуацијата во Донбас“, рече Лавров, објаснувајќи дека ОБСЕ има овластување на целата територија на Украина и под притисок на Русија објавува извештаи за ситуацијата во Украина во однос на човековите права, организираниот криминал и така натаму.

„Ние треба да ја негуваме таа правна, меѓународно-правна рамка и да ја штитиме од сите обиди да биде разрушена однатре или однадвор„ објасни Лавров.

u041cu0438u0440u043eu0442u0432u043eu0440u0446u0438 u0432u043e u0414u043eu043du0431u0430u0441: u043fu043eu0441u0442u043eu0438 u043bu0438 u0438u0434u043du0438u043du0430 u0437u0430 u043eu0432u0430u0430 u0438u0434u0435u0458u0430?

Новинарката изнесе став дека Мајдан во Украина е последица од неподготвеноста на Русија за таква можност и дека тоа е неуспех на руската дипломатија. Таа смета дека руските власти требало да интервенира кога украинската опозиција не го испочитува договорот со Јанукович и кога таа почна да применува насилство, дека требало да се спречи по воен пат превратот во земјата.

„Јас не се согласувам со тоа. Војна меѓу Руси и Украинци ... Таа војна ја посакуваа оние кои дојдоа на власт со државен удар. Војна против сопствениот народ. Мислам дека Русите и Украинците се еден народ. И ако сметате дека требаше да почнеме војна против сопствениот народ, јас со ова категорично не се согласувам“, рече Лавров.

„Украинската армија беше под нова власт и новото раководство ќе ѝ наредеше на армијата да ѝ се спротивстави на руската армија. Тоа е ужасно, дури и не можам да си го замислам тоа“, изјави рускиот министер за надворешни работи.

Сите права ги задржува „Росијскаја Газета“.