Медиуми: Израел може да се претвори во вазал на Русија

Израелските медиуми го коментираат вчерашното именување на Авигдор Либерман за министер за одбрана на Израел. Тоа ќе обезбеди инвестиции на „Гаспром“ во израелските гасни наоѓалишта, пишува весникот „Глоубс“, но, од друга страна, тоа би можело да направи од Израел руски вазал.

u041au0430u043au043e u0413u0430u0441u043fu0440u043eu043c u0441u0435 u0431u043eu0440u0438 u0437u0430 u0435u0432u0440u043eu043fu0441u043au0438u043eu0442 u043fu0430u0437u0430u0440

„Учеството на „Гаспром“ во експлоатацијата на израелските гасни наоѓалишта ќе има карактер на терористички напад од стратешки размери, кој може да ја промени геополитичката положба на Израел во регионот и да го претвори од американски сојузник во вазал на Русија. Учеството на „Гаспром“ ќе ѝ овозможи на Русија целосно да ги контролира наоѓалиштата, да ги експлоатира или, напротив, да ја спречува нивната експлоатација, како и диктирањето на цените на пазарот од страна на владата“, пишува весникот.

Вчера лидерот на израелска партија „Нашиот дом Израел“, Авигдор Либерман, кој зборува руски и кој е лобист за милионската заедница на Израелците со потекло од СССР, како и главен поборник за развој на односите со постсоветските републики, ја презеде функцијата министер за одбрана на земјата, што е во Израел втората најважна функција по премиерската.

Сите права ги задржува „Росијскаја Газета“.