Медиум: Путин ги предупреди Романија и Полска

Русија не е таа која го прави првиот чекор, туку само одговара на заканите на Вашингтон, ги пренесува зборовите на рускиот претседател британски „Инденпендент“.

Претседателот на Русија Владимир Путин ги предупреди Романија и Полска дека ќе се најдат на нишан на руските ракети откако на нивна територијата беа поставени делови од американскиот противракетен штит, а Москва смета дека тој претставува закана за нејзината безбедност, пишува „Индепендент“.

Путин остро ги предупреди Романија и Полска, потсетувајќи дека Москва не престанува да нагласува дека ќе биде присилена на сите начини да ја обезбеди својата територија, додека Вашингтон и неговите сојузници ги игнорираат тие предупредувања.

„Ќе бидеме принудени сега да реагираме на соодветен начин. И ако до вчера имаше делови на Романија кои не знаеја како е да се биде на нишан, денес ќе мораме да преземеме определени дејствија кои ќе ја обезбедуваат нашата безбедност“, изјави Путин по разговорите со грчкиот премиер Алексис Ципрас.

„Истото ќе се случи и со Полска“, додаде рускиот претседател.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња