Русија во ООН обвини турски компании за соработка со ИД

Низа турски компании учествуваат во снабдување на терористичката група „Исламска држава на Ирак и Левант“ (ИД) со компоненти за изработка на самоделни експлозивни направи. Ова го напиша постојаниот претставник на РФ во ООН Виталиј Чуркин во писмото до генералниот секретар на ООН Бан Ки-Мун.

u041fu0443u0442u0438u043d: u043eu043fu0435u0440u0430u0446u0438u0458u0430u0442u0430 u0432u043e u0421u0438u0440u0438u0458u0430 u0433u043e u043fu043eu043au0430u0436u0430 u043au0432u0430u043bu0438u0442u0435u0442u043eu0442 u043du0430 u0440u0443u0441u043au043eu0442u043e u043eu0440u0443u0436u0458u0435

„Анализата на основните хемиски компоненти на експлозивните смеси одземени од исламистите во реонот на Тикрит (Ирак) и Кобане (Сирија), со подоцнежната идентификација на компаниите-производители и проучување на условите за продажба на таквите компоненти во други земји покажува дека тие или се произведени во Турција, или се испорачани во таа земја без право на реекспорт“, изјави Чуркин.

Во писмото објавено во средата се наведени турски компании кои настапувале како посредници. Тие фирми, на пример, испорачувале до ИД алуминиум во прав, амониум нитрат, гранулиран карбамид и водород пероксид, произведени од турски и странски претпријатија. Исто така, Чуркин укажа на седум пати зголемената испорака на амониум нитрат од Турција за Сирија кој се користи за изработка на самоделни експлозивни направи.

Истовремено рускиот дипломат укажува дека карактеристика на самоделните експлозивни направи, произведени во работилниците на ИД на Блискиот Исток, е употребата на микро-контролори на американската компанија „Микрочип Технолоџи“, на транзистори од швајцарската фирма „Ес-Ти Микроелектроникс“, како и на мобилни телефони Нокиа модел 105 RM-908, пренесува РИА „Новости“.

Сите права ги задржува „Росијскаја Газета“.