Медиум: Европските земји не сакаат да ја одвраќаат Русија заедно со НАТО

Откако САД одлучија да испратат во Источна Европа еден баталјон место два, НАТО не може да најде во Европа сојузници кои ќе бидат подготвени доброволно да ја пополнат настанатата „дупка“, пишува „Вол Стрит Џурнал“.

Европските сојузници не попуштаат пред притисокот од американските колеги, бидејќи не сите европски членки на Алијансата ја споделуваат нејзината загриженост за својата источна граница, прецизира весникот. Зајакнувањето на источните граници е од полза само на источноевропските држави, додека земјите од Западна Европа се повеќе загрижени од заканата од „Исламската држава“.

И покрај убедувањата од САД, данските власти, на пример, изјавија дека тоа бара повеќе ресурси отколку што имаат, така што земјата не може да игра активна улога во формирањето на баталјоните за Полска и балтичките земји. Норвешка пак, го аргументира одбивањето со тоа што таа самата граничи со Русија и треба да се грижи за заштита на своите граници.

u0420u0443u0441u0438u0458u0430 u043eu0434u0433u043eu0432u043eu0440u0430 u043du0430 u0430u043cu0435u0440u0438u043au0430u043du0441u043au043eu0442u043e u043eu0440u0443u0436u0458u0435 u043fu043eu043au0440u0430u0458 u043du0435u0458u0437u0438u043du0438u0442u0435 u0433u0440u0430u043du0438u0446u0438

Таквите изјави предизвикуваат очигледно незадоволство во Вашингтон. Како демократите, така и републиканците сѐ почесто ги критикуваат сојузниците во Европа за тоа што тие нерадо плаќаат за сопствената одбрана користејќи ги ресурсите на САД во регионот. Претседателот Обама дури и ги нарече европските земја „шверцери“, се вели во статијата.

Притоа Вашингтон, според весникот, има „план Б“ - да се привлече уште еден неевропски сојузник - Канада. Официјални претставници на САД и НАТО активно преговараат за зголемување на канадскиот контингент во Полска со 220 војници, кои се веќе во земјата, до илјада. Официјален одговор од Отава сѐ уште нема, меѓутоа еден анонимен канадски официјален претставник изјави дека „Канада ги разгледува опциите за давање поефективен придонес во концептот на зајакната одбрана и за одвраќање“.

НАТО одлучи да ги зајакне своите источни граници, распоредувајќи по еден баталјон од илјада војници во Полска, Латвија, Литванија и Естонија. САД, Велика Британија и Германија веќе ја најавија својата подготвеност да испратат своја војска, меѓутоа четврт доброволец засега не можат да најдат.

Сите права ги задржува „Росијскаја Газета“.