Двајца руски олигарси не го оставаат своето богатство на сопствените деца

Руските милијардери Михаил Фридман (според „Форбс“ – богатство од 13,3 милијарди долари) и Александар Мамут (2,4 милијарди долари) решија да не им го остават своето богатство на сопствените деца.

Милијардерот, косопственик на една од најголемите инвестициски групи во Русија „Алфа Груп“ Михаил Фридман ја објави својата одлука на состанокот на „Форбс Клуб“ (Forbes Club) вечерта на 19 мај.

„Не сум љубител на давање јавни ветувања од таков вид, но можам да кажам дека донесов одлука – моето богатство ќе оди во добротворни цели“, изјави Фидман, одговарајќи на прашање. Милијардерот исто така не планира да ги вклучи своите деца во работата на „Алфа Груп“, соопштува руската верзија на магазинот „Форбс“.

u041au0430u043au043e u0436u0438u0432u0435u0430u0442 u0434u0435u0446u0430u0442u0430 u043du0430 u0440u0443u0441u043au0438u0442u0435 u043eu043bu0438u0433u0430u0440u0441u0438

Иста така одлука донесе и големиот инвеститор и медиумски магнат Александар Мамут. Претприемачот го објави ова во статија во магазинот „Форбс“ објавена на во петокот, 20 мај.

Фридман се надева дека неговите деца ќе постигнат професионални успеси во животот самостојно како и тој. Тој исто така не сака децата да станат предмет на внимание на луѓето кои имаат нечесни цели, објасни претприемачот.

Од своја страна Александар Мамут има намера да им пренесе на децата „не пари, ами нешто сосем друго“. „Да си го најдат својот пат, да постигнат успех самостојно – во тоа, веројатно, се состои смислата на животот. И тој успех не е задолжително поврзан со бизнис, со пари. Можат да станат добар музичар, спортист, истражувач или инженер“, објаснува медиумскиот магнат. Според неговото мислење, бизнисмен е „дефинитивно не најдобрата меѓу професиите“.

Претходно за плановите да го даде своето богатство во добротворни цели изјави и генералниот директор на најголемиот произведувач на никел и цинк во светот „Норилски никел“ Владимир Потанин (богатство од 12,1 милијарди долари), потсетува „РБК“.

„Мојот капитал треба да оди за добро на општеството и да послужи за социјални цели“, објасни Потанин.

Според податоците на Центарот за управување со благосостојба и филантропија на бизнис-школата Сколково, само 48% од руските бизнисмени ќе им го остават целото свое богатство на децата, 36%  повеќе од половината, а 13% - помал дел од богатството.

u041du0430u0458u0431u043eu0433u0430u0442u0438u043eu0442 u0447u043eu0432u0435u043a u0432u043e u0420u0443u0441u0438u0458u0430

Сите права ги задржува „Росијскаја Газета“.