Могерини очекува продолжување на санкциите против Русија

Шефицата на европската дипломатија Федерика Могерини очекува европските санкции против Русија да бидат продолжени, соопштува агенцијата „Блумберг“.

Во интервјуто за германскиот весник „Велт“ Могерини го објасни својот став со тоа што „Минската спогодба“ за решавање на украинската криза не била исполнета во целосен обем.

„Го очекувам тоа“, рече Могерини. „Шефовите на државите и владите на земјите на ЕУ го поврзаа укинувањето на санкциите со целосната реализација на „Минската спогодба“. Засега тоа не е постигнато“, смета таа.

u041au0430u043au0432u0430 u0415u0423 u045d u0435 u043fu043eu0442u0440u0435u0431u043du0430 u043du0430 u0420u0443u0441u0438u0458u0430?

Во врска со барањата за укинување или намалување на санкциите, Могерини истакна дека во ЕУ „секогаш постоеле различни мислења во однос на некои делови од нашата санкциска политика“. „Така и ќе биде, но, без оглед на разногласијата, ние секогаш сме постигнувале единство. Важно е да се придржуваме до единствена позиција и заедно да донесуваме одлуки“, потенцира таа.

„Долго време ја сметавме Русија за стратешки партнер. Денеска тоа веќе не е така, но таа, како и претходно останува стратешка земја“, истакна Могерини, потсетувајќи дека Западот соработува со Москва во барање решенија за конфликтите во Сирија и Либија, блискоисточното регулирање, на преговорите со Иран.

Важноста на санкциите на ЕУ против Русија истекува на 31 јули. Прашањето за нивно продолжување ќе се дискутира на самитот на ЕУ на 28-29 јуни.

Сите права ги задржува „Росијскаја Газета“.