Министрите на НАТО го потпишуваат протоколот за прием на Црна Гора

18 мај 2016

Руска реч на македонски

Министрите за надворешни работи на земјите-членки на НАТО денеска ќе го потпишат протоколот за зачленување на Црна Гора во Алијансата, а кој потоа треба да биде ратификуван од парламентите на земјите на НАТО, пишува на сајтот на Алијансата.

Церемонијата на потпишување на протоколот ќе се одржи во рамките на министерската средба во Брисел.

u0417u043eu0448u0442u043e u0420u0443u0441u0438u0458u0430 u0435 u043fu0440u043eu0442u0438u0432 u0441u0442u0430u043fu0443u0432u0430u045au0435u0442u043e u043du0430 u0426u0440u043du0430 u0413u043eu0440u0430 u0432u043e u041du0410u0422u041e

Протоколот за зачленување внесува измени во Северноатлантскиот договор – главниот документ на воениот блок, а промените се однесуваат на ратификацијата во националните парламенти на сите членки на Алијансата.

Зборувајќи за перспективите на зачленувањето на Црна Гора во Алијансата, претставник на НАТО за РИА Новости изјави дека „ратификацијата зависи од националните процедури и затоа е тешко да се каже колку ќе потрае тој процес“.

Министрите за надворешни работи на 28 земји-членки на НАТО на состанокот во декември 2015 година официјално ѝ понудија на Црна Гора да почне преговори за приклучување на Алијансата. Во март годинава премиерот на Црна Гора Мило Ѓукановиќ изјави дека неговата земја може да стане членка на НАТО кон средината на 2017 година. Опозицијата во Црна Гора е против зачленувањето во НАТО и бара оставка на премиерот, формирање преодна влада и нови парламентарни избори, како и референдум за прашањето за зачленувањето во НАТО-пактот.

Сите права ги задржува „Росијскаја Газета“.

русија и нато русија и балканот Накратко