Русија ќе бара враќање на украинскиот долг како дел од програмата на ММФ

Русија ќе инсистира на вклучување на условите за враќање на украинскиот долг спрема Русија во програмата за помош на ММФ за Киев, изјави министерот за финансии на РФ Антон Силуанов, пренесува РИА „Новости“.

„(Дијалог) засега не може да се воспостави... Без оглед на тоа што ние, како кредитори, самите предлагавме услови за реструктуризација на долгот од три милијарди на Украина. Украина никако не реагираше на нив. Од страна на Украина не добивме никакви прифатливи предлози“, рече министерот во интервју за телевизијата „Русија 24“.

u041fu0443u0442u0438u043d: u041cu041cu0424 u0431u0438 u043cu043eu0436u0435u043b u0434u0430 u045d u0434u0430u0434u0435 u043du0430 u0423u043au0440u0430u0438u043du0430 u0443u0448u0442u0435 3 u043cu0438u043bu0438u0458u0430u0440u0434u0438 u0434u043eu043bu0430u0440u0438 u0437u0430 u0438u0441u043fu043bu0430u0442u0430 u043du0430 u0434u043eu043bu0433u043eu0442 u0441u043fu0440u0435u043cu0430 u0420u0443u0441u0438u0458u0430

Според зборовите на министерот, страните одржале само „технички преговори“ на кои биле предложени услови за реструктуризација кои биле полоши од оние за комерцијалните кредитори. Силуанов го нарече тоа „апсурд“.

Русија поднесе тужба до Високиот суд на Лондон во февруари годинава. Москва бара од Украина враќање на долгот од три милијарди долари и исплата на камата од 75 милиони долари. До крајот на минатата година Киев го сервисираше долгот редовно, меѓутоа потоа објави банкрот за обврзниците.

Киев сметаше дека Москва треба да се согласи на реструкутризација на долгот под услови како за комерцијалните кредитори. Но Русија го одби тоа, инсистирајќи дека долгот е суверен, што значи прашањето за негова реструктуризација треба да се решава одделно. Овој случај е без преседан – должнички спорови меѓу земји сѐ уште не биле поднесувани до суд. 

Сите права ги задржува „Росијскаја Газета“.