Штајнмаер: Русија е „агресор“, но на Западот му е потребна

„Изолацијата на Русија не е политика“, изјави во интервјуто за „Тагесшпигел“ министерот за надворешни работи на Германија Франк-Валтер Штајнмаер.

u0427u0435u0442u0438u0440u0438 u043du0435u0440u0435u0448u0435u043du0438 u043fu0440u0430u0448u0430u045au0430 u043fu043eu043cu0435u0453u0443 u0420u0443u0441u0438u0458u0430 u0438 u0415u0423

Од една страна, Русија го „анектираше“ Крим и го „дестабилизира“ истокот на Украина. Сепак истовремено Русија имаше свој придонес во преговорите за иранската нуклеарна програма. На тој начин, Западот има потреба од Русија за решавање на големите меѓународни проблеми, за што сведочи и ситуацијата во Сирија. Освен тоа, Русија, веројатно, исто така ќе биде вклучена и во стабилизацијата на Либија, потенцира Штајнмаер.  

Според зборовите на германскиот политичар, враќањето на Русија во Г-8 е „во интерес на Западот“. Имено во кризни периоди е важен дијалогот меѓу различните страни. Од друга страна, изолацијата и некоординираноста не придонесуваат за постигнување мир. Токму затоа водечките земји се заинтересирани за враќање на Русија во Г-8, ако Русија, од своја страна, ги исполни своите обврски од „Минската спогодба“.

Исто така , во ЕУ сѐ посилен е отпорот кон продолжувањето на санкциите против Русија, затоа „ќе бидат потребни напори за да се дојде до заедничко решение“, заклучува Штајнмаер, пренесува ИноТВ. 

Сите права ги задржува „Росијскаја Газета“.