Русија и Индија со договор за производство на ловец од петта генерација

Договорот за експериментално-конструкторската фаза на проектот за руско-индискиот ловец FGFA е усогласен и ќе биде потпишан наредниве месеци, соопшти индискиот весник „Трибјун“ повикувајќи се на извори во Министерството за одбрана на Индија.

Договорот се однесува на втората фаза од работата на проектот за ловецот FGFA. Првиот договор за дефинирање на техничката конструкција на идниот авион, потпишан во 2010 година, беше завршен во јуни 2013 година и чинеше 295 милиони долари. Потоа следните две години се работеше на усогласување на условите за понатамошната работа над авионот.

u041du0430u0458u043du043eu0432u0438u043eu0442 u0440u0443u0441u043au0438 u0438u0441u0442u0440u0435u0431u0443u0432u0430u0447 u0422-50 u0435 u043fu043eu0434u0433u043eu0442u0432u0435u043d u0437u0430 u043bu0435u0442

Според договорот за втората фаза ќе се работи на целосна реализација на експериментално-конструкторската работа, која ќе овозможи да се разработи ловецот согласно барањата на индиската страна. Износот на зделката чија реализација е предвидена да трае седум години (вклучително три години до моментот на првиот лет на авионот) се проценува на 4 милијарди долари.

Како основа за авионот FGFA ќе послужи рускиот ловец од петта генерација Т-50, произведен од компанијата „Сухој“ во рамкитена проектот ПАК ФА. Според претходно објавените процени, уделот на Индија во структурата на работите за изработка на FGFA ќе биде 40% (првично се предвидуваше само 13% удел). Њу Делхи изнесе повеќе од 40 барања, на пример, Индијците сакаат да бидат вградени најновите руски мотори кои овозоможуваат суперсонична брзина (постојните АЛ-41Ф1 не ги задоволуваат), вградување на радарски систем со опсег од 360 степени, како и намалување на радарската видливост на авионот во споредба со прототипот.

Индија е заинтересирана за купување на околу 200 ловци од овој тип, пренесува „Лента.ру“.

Сите права ги задржува „Росијскаја Газета“.