Пентагон: Системот за ПРО во Европа не може да ги пресретне руските ракети

„Соработката со Русија е важна за регионалната стабилност и глобалната безбедност. Ние исто така ја уверуваме Русија дека нашата ПРО во Европа не е способна да ги пресретнува руските интерконтинентални балистички ракети“, соопшти Пентагон, пренесува „Взгљад“.

Американската војска истакнува дека можностите на системот за ПРО во Европа се ограничени и тој не е наменет за борба со „големите и сложените стратешки нуклеарни сили на Русија“.

u0420u0443u0441u0438u0458u0430 u043eu0434u0433u043eu0432u043eu0440u0430 u043du0430 u0430u043cu0435u0440u0438u043au0430u043du0441u043au043eu0442u043e u043eu0440u0443u0436u0458u0435 u043fu043eu043au0440u0430u0458 u043du0435u0458u0437u0438u043du0438u0442u0435 u0433u0440u0430u043du0438u0446u0438

Исто така во соопштението се тврди дека главна цел на распоредувањето на ПРО е спротивставување на ракетната закана која доаѓа од Иран. „Сѐ додека Иран разработува и распоредува балистички ракети, САД ќе работат заедно со сојузниците и партнерите за да се одбранат од тие закани“, изјавија од Пентагон.

Меѓутоа Москва ги смета овие изјави за неубедливи. Како што наведе раководителот на Одделот за прашањата за неширење и контрола на вооружувањето на МНР Русија Михаил Улјанов, ракетната програма на Иран не е закана за партнерите на НАТО во Европа и затоа не може да служи како оправдание за ЕвроПРО.

Москва многупати има изјавено дека елементите на ПРО се насочени кон милитаризација на Југоисточна Европа и им противречат на интересите на регионалната стабилност, при што е можно и излегување на Русија од договорот СТАРТ.

Портпаролот на претседателот на Русија Дмитриј Песков изјави дека распоредувањето на ПРО до границите на Русија несомнено претставува закана за земјата.

Сите права ги задржува „Росијскаја Газета“.